Kơxo lơ 5/1, a Hngêi Kuô̆k hô̆i, pơxiâm po Hneăng hôp ôh tá tối hdrối roh má 2, Kuô̆k hô̆i hneăng má 15. A hneăng hôp kố, Kuô̆k hô̆i tơkŭm tung pơla 4 hâi, séa ngăn, pơkâ 5 tơdroăng xiâm ki kal, thâ, tơxâng teăm tơdrêng pơkâ dêi tơdroăng rêh ối. Ki nhên, Kuô̆k hô̆i kô séa ngăn, tơbleăng ăm pêi pro luât khăm, pơlât (‘mâi rơnêu) vâ thăm gâk kring, rak ngăn, mơdêk ivá kuăn pơlê; xo mơngế tamo châi pro tíu xiâm ăm rêm tơdroăng khăm, pơlât.

Tiô tối hdrối 3 pơkâ châ tơbleăng ăm pêi pro, tung mê tơtrŏng má môi cho Pơkâ ‘na pơkâ pêi tâi tâng tơnêi têa hneăng hơnăm 2021 – 2023, tơmiât pêi troh hơnăm 2050 vâ mơnhông mơdêk ki tơ’lêi hlâu dêi rêm kơpong cheăng kâ – rêh ối pơlê pơla; mơnhên troăng tơmiât pêi troh hơnăm 2050 chiâng tơnêi têa mơnhông mơdêk, pêi lo liăn hên, pơlê pơla tơdâng tơ’mô, kuăn pơlê pơkuâ dêi hnoăng cheăng, rơkê.

Tơdroăng xiâm xuân tơxâng tơtrŏng cho Kuô̆k hô̆i séa ngăn ‘na mơngế pêi cheăng teăng mâ ƀă mơngế pêi cheăng ki ê ối tung hnoăng dêi Kuô̆k hô̆i.