Hneăng hôp (EATOF) hơnăm kố rơtế ƀă Leh tơbâ 20 hơnăm hâi mơjiâng EATOF. Hôp hô̆i đong Hneăng hôp tơpui Ôm hyô kơpong Đông Á cho tơkŭm po ôm hyô châ mơjiâng sap hơnăm 1999 a kong pơlê Gangwon, Hàn Quốc. Nôkố, Hneăng hôp EATOF ai 10 to kong têa mê cho kong pơlê Cát Lâm dêi  Sinuâ, Cebu dêi Philippins, Gangwon dêi Hàn Quốc, Luang Prabang dêi Lếo, Quảng Ninh dêi Việt Nam, Siem Reap dêi Kul, Sanawak dêi Malaysia, Tottori dêi Nhuk, Tuv dêi Mông Cổ ƀă Yoyakarta dêi Indonesia.

Pôa Kim Jin Tae, Kăn pơkuâ kong pơlê Gangwon, Hàn Quốc tối tơbleăng tơdroăng po leh 20 hơnăm hâi mơjiâng EATOF

Ki xiâm dêi Hneăng hôp cho rơtế tơrŭm mơnhông kơvâ cheăng ‘na kơmăi kơmok ôm hyô krá tơniăn ton tung kơpong. Hneăng hôp Hô̆i đong EATOF cho hơnăm kố ai pơxá “ ‘Mâi mơnhông ôm hyô kơpong Đông Á tung tơdroăng tiah hmâ ki nếo” rơtế ƀă leh tơbâ 20 hơnăm hâi mơjiâng Hneăng hôp EATOF dêi tơdroăng po leh, tơdroăng pêi pro ai pơxúa kal khât mơhno ƀă ki trâu rơdâ tâ tơrŭm cheăng, tơrŭm pơla mâu kong pơlê tung khu EATOF.