Rôh hôp Khu kăn Kuô̆k hô̆i hơnăm ối nếo lâp plâi tơnêi rôh má 9 xua Kuô̆k hô̆i Việt Nam tơkŭm po, cho tơdroăng hôp kân má môi sap nah troh nôkố, ƀă 500 ngế kăn veăng hôp, tung mê ai lối 300 ngế kăn lâp plâi tơnêi. Rôh hôp kố po a kơxo 15/9, klêi mê ai 2/3 rôh hôp tơpui tơno tơdroăng ki xiâm ‘na Hơ’lêh kơxô̆ ƀă Hơ’lêh nếo tơdroăng tơmiât rơkê – Pơxiâm vâ pêi cheăng, vâ mơ’no tối mâu troăng hơlâ, troăng tơmiât troh ki xiâm ôh tá ai tro lôi pá rŏng tung tơdroăng xúa hơ’lêh kơxô̆, xuân môi tiah mơdêk hơ’lêh nếo tơmiât rơkê ƀă pơxiâm pêi cheăng, pro ivá ăm tơdroăng mơnhông mơ’dêk tâi tâng ƀă krá ton.

Klêi kơ’nâi rôh hôp ki hên kơvâ cheăng ki kal kố veăng kum tối rơdêi tơdroăng ki veăng kơhnâ, pôu râng dêi hnoăng dêi Việt Nam tung IPU – tơkŭm po tơrŭm Kuô̆k hô̆i kân má môi lâp plâi tơnêi, tơdrêng amê hlối ăm hlo tơdroăng ki kal, châ tơmâng ngăn dêi Việt Nam ƀă droh rơtăm ƀă mâu tơdroăng tơdjuôm tung lâp plâi tơnêi dêi hơnăm ối nếo nôkố.