VOV4.Xơ Đăng - Kơxo lơ 29/8, a pơlê kong kơdrâm Đồng Hới, kong pơlê Quảng Bình, Khu pơtâng tối tơdroăng kal Tơnêi têa pơxiâm po Rôh tơ’noăng giảng viên lĭ luâ̆n chính trị ki rơkê kơpong II (Peăng Tơdế – Tây Nguyên) hơnăm 2022. Po sap ing hâi lơ 29 troh 31/8, rôh tơ’noăng giảng viên lĭ luâ̆n chính trị rơkê kơpong II (Peăng Tơdế – Tây Nguyên) hơnăm 2022 tơ’mot tơdroăng ki veăng dêi 35 ngế lo ing 18 to kong pơlê, pơlê kong kân tung kơpong.

Diâp hlá cơ chôu vế ăm mâu khu ki ai ngế veăng tung rôh tơ’noăng

A rôh tơ’noăng hơnăm kố, mâu giảng viên rah xo môi ƀai hnê tung mâu tơdroăng ki hnê, hnê tơ’nôm ‘na lĭ luâ̆n chính trị ƀă rôh ki hnê tơ’nôm ‘na tơdroăng xúa ăm Tíu xiâm kal kí râ tơring xua Khu pơtâng tối tơdroăng kal Tơnêi têa pơkâ. Mâu ngế ki tơ’noăng kô ai rôh mơhno tối ivá, ki rơkê, túa ki hnê dêi tơná, xuân môi tiah trâm mâ, hriâm ƀối ing dêi rơpó pú hmâ tung kơvâ hnê hriâm lĭ luâ̆n chính trị ƀă mâu kơvâ cheăng pơlê pơla ki ê.

Katarina Nga tơplôu ƀă tơbleăng