Kơxo hâi lơ 25/6, a tơring Hoài Đức (Hà Nội), pôa Phạm Minh Chính, Ngế pro xiâm hnê ngăn Chin phuh hiăng veăng leh ƀă tối tơbleăng pơxiâm pro troăng kân  pakĭng 4 - kơpong Pơlê kong xiâm Hà Nội ƀă troăng kân tơdrăng lĕm  Cao Lãnh - An Hữu (rôh má 1). Leh pơxiâm pro châ tơbleăng tơdrêng tơdjêp ƀă troăng kân pơla 7 tíu xiâm, mê cho: Hoài Đức, Thanh Oai, Sóc Sơn, Thường Tín (Hà Nội) rơtế ƀă mâu kong pơlê Bắc Ninh, Hưng Yên ƀă Đồng Tháp.

Tơbleăng a rôh leh, pôa Phạm Minh Chính, Ngế pro xiâm hnê ngăn tơnêi têa tối nhên tơdroăng ‘no liăn pro troăng pakĭng 4 - kơpong Pơlê kong xiâm Hà Nội, troăng pa kĭng mâu kơpong cheăng kâ ki xiâm kơpong Pơlê kong xiâm Hà Nội, tơdjêp ƀă pơlê kong xiâm ƀă kong pơlê Hưng Yên, kong pơlê Bắc Ninh ƀă mâu tơdroăng tơkêa bro hiăng ƀă dế ‘no liăn pro vâ mơnhông ƀă kum mâu tơdroăng hâi pêi pro dêi pơlê kong xiâm Hà Nội,  tí tăng tơmeăm khoăng ai hlâu xúa tơnêi, mơjiâng kơphô̆ krá tơniăn ton, tiô túa nếo.