VOV4. Xơ Đăng -  Hâi lơ 16/8, a Pơlê kong kân Hồ Chí Minh, pôa Nguyễn Xuân Phúc, Ngế cheăng tung Khu xiâm pơkuâ tơdroăng kal kí, Kăn xiâm hnê ngăn Tơnêi têa, Kăn xiâm Khu hnê mơhno cheăng mơjiâng pro “Tơdroăng pơkâ Mơgêi tơdroăng pơkâ Tơnêi têa 8 hneăng 11 ‘na tơdroăng cheăng tung la ngiâ rak vế Tơnêi têa tung tơdroăng nếo pơkuâ po Rôh hôp khoa hok “Lĭ luăn – ki ai khât ‘na rak vế Tơnêi têa tung tơdroăng nếo”.

Rôh hôp khoa hok “Lĭ luăn – tơdroăng ki ai khât ‘na rak vế Tơnêi têa tung tơdroăng nếo”

Klêi kơ’nâi tí tăng ‘nâi plĕng, tơpui a rôh hôp, pôa Nguyễn Xuân Phúc, Kăn xiâm hnê ngăn tơnêi têa môi tuăn, mơnhên tối khât mâu kăn ki tối ‘na ki kơnía khoa hok, pêi pro tơleăng nhên hên tơdroăng ki kal ƀă hnoăng cheăng rak vế Tơnêi têa. Tơdrêng amê, hlối tối nhên tơdroăng ki tâi tâng dêi tơdroăng pơkâ Tơnêi têa 8  hneăng 11, tơdroăng ki tơtro dêi hên tơdroăng pơkâ, mơgêi, tơdroăng pơkâ thế ki ê dêi Đảng, kum hnoăng cheăng rak vế Tơnêi têa tung tơdroăng nếo tung pơla hdrối nah pêi klêi hên tơdroăng ki kal.

Kăn xiâm hnê ngăn tơnêi têa môi tuăn ƀă mâu kăn ƀă tối tiah kố, kal mơdêk ivá rơdêi tơrŭm, tung mê mơjiâng pro “Ivá tung hiâm mơno kuăn pơlê” vâ rak vế Tơnêi têa xah hô̆i chuh ngiah châ ngăn cho troăng hơlâ ki krá tơniăn kal, cho môi tung mâu hnoăng cheăng đi đo, tơdroăng ki kal, pêi pro tơdrêng vâ rak vế Tơnêi têa nôkố.

Katarina Nga tơplôu ƀă tơbleăng