VOV4.Xơ Đăng - Hâi lơ 14/10, a pơlê kong kơdrâm Yên Bái, Khu xiâm pơkuâ ngăn lêng, Khu pơtâng tối tơdroăng kal Tơnêi têa ƀă kong pơlê Yên Bái tơrŭm tơkŭm po Rôh hôp Khoa hok râ tơnêi têa tơbâ 70 hơnăm Ƀlêi trâng Tây Bắc ƀă inâi: “Ƀlêi trâng Tây Bắc 1952, xua tơdroăng pơkuâ dêi Đảng ƀă Hồ Chí Minh, khu lêng ƀă kuăn pơlê pin a Tây Bắc ƀă tơdroăng ki tơrŭm dêi mâu tíu tơplâ, kong pơlê tung lâp tơnêi hiăng châ ƀlêi trâng kân kĭn tung tơdroăng Tơplâ Tây Bắc. Ƀlêi trâng kố cho tơdroăng ki ôh tá kâi piu, ai pơxúa tung tơdroăng ton nah ‘na tơdroăng ki kal tung la ngiâ, hdró hvêa chêng prôk mơnhông ki nếo, veăng kum ăm rôh tơplâ xâ Pơhlăng châ ƀlêi trâng pơkâ.

Rôh hôp

A rôh hôp tơpui tơno, lối 90 ƀai ki veăng chêh tơpui hiăng tơkŭm pro bâ eăng ki pơxúa ‘na tơdroăng cheăng tung la ngiâ tá khu lêng, tơdroăng kal kí, cheăng kâ dêi ƀlêi trâng Tây Bắc vâ pro chiâng ai ivá nếo ăm rôh mot plâ Đông Xuân 1953 – 1954, mơgêi rôh tơplâ xâ Pơhlăng mot plâ ‘nhiê.

VOV/Tơplôu: Katarina Nga