Hâi lơ 24/10, rôh hôp má 4, Kuô̆k hô̆i hneăng 15 pơxiâm pêi cheăng măng tĭng ki má 2. Tung măng tĭng pêi cheăng mê, Kuô̆k hô̆i tơpui tơno hên tơdroăng ki kal. Ki tơxâng vâ tối, Kuô̆k hô̆i ‘măn 2 hâi tơpui tơno a hngêi hôp kân ‘na: Tơdroăng pêi pro tiô pơkâ mơnhông cheăng kâ - rêh ối hơnăm 2022; tiô pơkâ mơnhông cheăng kâ - rêh ối hơnăm 2023; tơdroăng pêi pro tiô liăn ngân tơnêi têa hơnăm 2022, liăn ngân tơnêi têa, pơkâ ‘no liăn mơjiâng tơmeăm khoăng liăn ngân tơnêi têa, troăng rơhlâ pơkâ xing xoăng liăn ngân xiâm tơnêi têa hơnăm 2023. 

Kuô̆k hô̆i tơpui tơno ‘na tơdroăng cheăng kâ-rêh ối

Mâu rôh hôp mê châ mơ’no tơdrêng vâ kuăn pơlê ƀă kuăn pơlê châ séa ngăn. ‘Na mơjiâng Luât, ki tơxâng vâ tối, Kuô̆k hô̆i tơpui a hngêi hôp kân ‘na mâu tơdroăng kal ki ê dêi tơdroăng tơkêa bro Luât mê cho: Khăm, pơlât (‘mâi hơ’lêh); Séa ngăn (‘mâi hơ’lêh); têa châu têa kơxăng (hơ’lêh); hbrâ mơdât tôu pâm tung on veăng (‘mâi hơ’lêh).