VOV4.Xơ Đăng - Hâi lơ 27/9, a Hngêi Kuô̆k hô̆i, pôa Vương Đình Huệ, Kăn xiâm hnê ngăn Kuô̆k hô̆i hiăng pơkuâ po Rôh hôp tơbleăng Tơdroăng séa ngăn dêi Kuô̆k hô̆i hơnăm 2023, tơdjêp tơdrêng ƀă 49 Khu kăn Kuô̆k hô̆i mâu kong pơlê, pơlê kong kân. Tơpui a rôh po hôp, mâu kăn mơnhên tối khât, tung pơla hdrối nah, tơdroăng cheăng séa ngăn dêi Kuô̆k hô̆i hiăng châ mơdêk ƀă hlo ai tơdroăng ki hơ’lêh nếo, rế hía rế mơdêk ki tơƀrê, pêi pro châ hên tơdroăng ki kal, châ kuăn pơlê rế hía rế mơnhên tối khât.

Vâ tơbleăng châ tơƀrê Tơdroăng séa ngăn dêi Kuô̆k hô̆i, Vi ƀan pơkuâ Kuô̆k hô̆i hơnăm 2023, pôa Vương Đình Huệ, kăn xiâm hnê ngăn Kuô̆k hô̆i pơkâ thế, mâu kơ koan dêi Kuô̆k hô̆i, kơ koan ki ai tơdjâk mơnhên tơdroăng ki mơdêk tơƀrê tơdroăng cheăng séa ngăn cho môi tơdroăng cheăng ki kal, tơdroăng ki xiâm tung pơla hơ’lêh nếo tơkŭm po ƀă tơdroăng cheăng dêi Kuô̆k hô̆i Việt Nam tiô túa tơmiât, troăng hơlâ dêi Đảng ‘na mơjiâng Tơnêi têa luât pơkuâ xah hô̆i chuh ngiah dêi Kuăn pơlê, xua Kuăn pơlê cho dêi kuăn pơlê.

VOV/Tơplôu: Katarina Nga