Hâi lơ 8/6, Roh hôp má 5, Kuô̆k hô̆i hneăng 15 hiăng pro klêi tơniăn lĕm rôh kơ-êng ƀă tiâ. Ai 4 khu tơdroăng ki châ mơ’no kơ-êng, ối tung kơvâ pơkuâ ngăn dêi mâu khu xiâm: Pêi cheăng, Mố đô̆i tro rong ƀă rêh ối pơlê pơla, Khoa hok ƀă Kong ngê̆, Troăng prôk – rơxế kơtâu ƀă Vi ƀan hdroâng kuăn ngo. Rơtế ƀă mâu kăn xiâm pơkuâ, ngế pơkuâ kơvâ cheăng chiu pôu râng dêi hnoăng cheăng tiâ, 3 ngế pro xiâm phŏ hnê ngăn Chin phuh cho pôa: Lê Minh Khái, Trần Lưu Quang, Trần Hồng Hà, Ngế xiâm ngăn mâu Khu xiâm: Liăn ngân; Túa pơkâ ƀă ‘no liăn cheăng; pêi chiâk deăng ƀă Mơnhông thôn pơlê xuân veăng tiâ, tơpui leăng, pêi pro nhên mâu tơdroăng ki ai tơdjâk troh.

Pôa Vương Đình Huệ, Kăn xiâm hnê ngăn Kuô̆k hô̆i mơnhên tối khât, rôh kơ-êng po tung tơdroăng ki tơniăn krê, tơdrăng, tơ’mot châ tơdroăng ki tơmâng ngăn dêi hên hĭn kuăn pơlê tung lâp tơnêi. Mâu ngế xiâm pơkuâ maluâ cho ngế ki hiăng rơkê lơ nếo veăng tiâ rôh apoăng pơrá hiăng mơhno hiâm mơno khên tơnôu, ‘nâi nhên tơdroăng dêi kơvâ pơkuâ, tơdrăng, ôh tá ví, tá mâu tơdroăng ki xơpá ƀă ôh tá tơniăn.