‘Na tơdroăng mơjiâng luât, tiô tối hdrối tơdroăng cheăng, Vi ƀan pơkuâ Kuô̆k hô̆i séa ngăn, tơpui tối ‘na mâu tơdroăng tơkêa bro: Luât Mâu khu ăm mung liăn (‘mâi rơnêu); Luât Tơnêi tơníu (‘mâi rơnêu); Luât ‘mâi rơnêu, tơ’nôm mâu troăng dêi Luât lăm ngi kong têa ê, mot tung kong têa ê dêi kuăn pơlê Việt Nam ƀă Luât mot tung kong têa ê, lăm ngi kong têa ê, mot ối pơtê dêi mơngế kong têa ê a Việt Nam.

Vi ƀan pơkuâ Kuô̆k hô̆i xuân tơpui tối ‘na tơdroăng tơkêa bro Pơkâ ‘mâi rơnêu, tơ’nôm Pơkâ kơxô̆ 85 ‘na xo phĭu ki loi tơngah, tâ phĭu loi tơngah ƀă ngế ki to pro kăn xua Kuô̆k hô̆i, Hô̆i đong kuăn pơlê rah xo lơ kĭ. Tơdjâk troh mâu tơdroăng cheăng kâ – rêh ối pơlê pơla, Vi ƀan pơkuâ Kuô̆k hô̆i xuân tối ‘na tơbleăng mơnhên tơ’nôm tơdroăng pêi pro hnoăng cheăng mơnhông mơdêk cheăng kâ – rêh ối pơlê pơla ƀă liăn ngân tơnêi têa hơnăm 2022; tơdroăng po rơdâ pêi pro pơkâ mơnhông mơdêk cheăng kâ – rêh ối pơlê pơla ƀă liăn ngân tơnêi têa hơnăm 2022; tơdroăng po rơdâ pêi pro pơkâ mơnhông mơdêk cheăng kâ - rêh ối pơlê ƀă liăn ngân tơnêi têa mâu khế apoăng hơnăm 2023 ƀă mâu tơdroăng xiâm kal ki ê.