Tơdroăng tâ phĭu rah xo kăn teăng mâ Kuô̆k hô̆i hneăng má XVI ƀă kăn teăng mâ Hô̆i đong kuăn pơlê rêm râ hneăng hơnăm 2026 – 2031 a kong pơlê Dak Lak tơkŭm po tro tơdroăng, tơniăn lĕm, kơtăng ƀă tro tiô pơkâ dêi luât.

Tiô tơbleăng dêi Vi ƀan Tâ phĭu rah xo kăn pơkuâ pêi cheăng kong pơlê Dak Lak, lâp kong pơlê ai vâ chê 23 rơtuh ngế ki tâ phĭu veăng lăm tâ phĭu. Riân troh 19 chôu hâi lơ 15/3, kơxô̆ mơngế lăm tâ phĭu châ lối 99,9%.

Tơtrŏng má môi, hiăng ai hên cheăm, bêng, pêi kêi đeăng 100% kơxô̆ mơngế lăm tâ phĭu lăm tâ phĭu. Tơdroăng châ tơƀrê kố ăm hlo hiâm mơno pôu râng hnoăng cheăng, tơdroăng ki môi tuăn ƀă hlê plĕng kal kí hên dêi mơngế ki tâ phĭu tung kong pơlê.

Tiô Vi ƀan tâ phĭu kong pơlê Dak Lak, mơhé kơxô̆ mơngế tâ phĭu veăng lăm tâ phĭu cho hên, mâu cheăm bêng tung kong pơlê xuân ôh tá tơngôu, pơtối pêi pro tơdâng tơ’mô mâu troăng tơniăn kring vế, gak ngăn tơniăn a mâu kơpong tâ phĭu. Khu kŏng an, mô đô̆i ƀă mâu khu cheăng rak tơdroăng séa ngăn, mơnhên ngăn, ‘nâi tơdroăng tung cheăm, bêng, hbrâ tơleăng mâu tơdroăng ki nếo ai, tơniăn roh tâ phĭu tơkŭm po tơniăn păng ‘nâng.