Têa tah hngêi pơtân, hngêi xi kơchoh châ lối 95,3%
Thứ năm, 13:42, 10/07/2025
Tơplôu: A Sa Ly/VOV
Tơplôu: A Sa Ly/VOV
VOV.Xơ Đăng - Troh nôkố, lâp tơnêi têa hiăng tŏng gum mơjiâng ƀă rơnêu châ lối 264.000/274.000 toăng hngêi (châ lối 95% pơkâ pêi). Hên kong pơlê, pơlê kong kơdrâm hiăng ai troăng pêi ki hbrâ, tơmiât pêi rơkê, mơhnhôk tơ’nôm mâu kơxô̆ liăn pêi pro, châ kơlo ki hên lơ hluâ tơdroăng pơkâ.
Kố cho tơdroăng châ pôa Đỗ Văn Chiến, Kăn hnê ngăn Vi ƀan Xiâm Măt trâ̆n Tơnêi têa Việt Nam tối ăm ‘nâi a Roh hôp tơno kal kí hâi lơ 9/7. Tơnêi têa ƀă mâu khu pêi cheăng pơlê pơla hiăng mơ’no lối 17.800 rơtal liăn, mơhnhôk lối 100 rơpâu roh ngế veăng kum mơngế kơtiê mơjiâng rơnêu hngêi ối.
Hiăng ai 18 kong pơlê kêi đeăng tơdroăng. U ối 16 kong pơlê kô kêi đeăng tâi tâng tung khế 8 la ngiâ vâ koh phiu ro Hâi mơjiâng tơnêi têa lơ 2/9 ƀă Kăch măng khế Tơheăm châ tơƀrê. Pôa Đỗ Văn Chiến mơnhên, Tơdroăng têa tah hngêi pơtân, hngêi xi kơchoh hiăng păng ‘nâng troh lâp lu drêng hên khu tơrŭm cheăng dêi Măt trâ̆n rơtế veăng, mơnhông ki rơdêi, kum po rơdâ kơxô̆ liăn kum mâu ngế ai tơdroăng rêh ối pá puât.
Viết bình luận