Kơxo lơ 13/6, a Tíu pêi cheăng xiâm Chin phuh, pôa Trần Hồng Hà, Ngế pro xiâm phŏ hnê ngăn tơnêi têa pơkuâ roh pêi cheăng ƀă Khu hnê mơhno má môi Hô̆i đong mơnhông mơdêk krá tơniăn ƀă mơdêk ivá tơbriât cheăng tơnêi têa. Klêi kơ’nâi vêh tối mâu tơdroăng châ tơƀrê dêi Hô̆i đong tung pơla kố nah, xuân môi tiah tơdroăng ki ối pá tơvâ tơvân, pá puât tung tơkŭm po tơbleăng ƀă hnê mơhno ăm Chin phuh,Ngế pro xiâm hnê ngăn Chin phuh ‘na mâu tơdroăng tơdjâk troh mơnhông mơdêk krá tơniăn ƀă mơdêk ivá tơbriât cheăng, mâu rơkong tơpui môi tuăn tung la ngiâ tơdroăng pêi cheăng dêi Hô̆i đong kal tơkŭm tung mâu tơdroăng xiâm dêi mơnhông mơdêk krá tơniăn: Cheăng kâ – Rêh ối pơlê pơla – Kong prâi môi tiah: tơkêa dêi Việt Nam ƀă Tơdroăng tơpui tơno 2030 xua tơdroăng mơnhông mơdêk krá tơniăn dêi Khu lâp kong têa; mơnhên mâu hnoăng cheăng ki xiâm rêm hơnăm, rêm hneăng, ƀă hnoăng cheăng, kơvâ pơkuâ tơnêi têa dêi rêm khu xiâm, kơvâ cheăng.

Klêi mê, tơ’nôm mâu tơdroăng ki xiâm, mâu tơdroăng nếo pơkâ môi tiah hơ’lêh pêi cheăng xúa kŏng ngê̆, hơ’lêh pêi cheăng krúa lĕm kong prâi, pơhlêh lĕm tro pơlê pơla ƀă hía hé.