A rôh tơpui tơno, péa pâ mơnhên tối khât tơrŭm cheăng lêng pơla péa pâ rế hía rế mơnhông, veăng gum kơhnâ tung tơdroăng hơniâp lĕm, tơniăn tung kơpong. Đăi tươ̆ng Phan Văn Giang mơnê Singapore hiăng gum liăn hriâm rơkê, tơdah xo lêng Việt Nam pêi cheăng a Tíu pêi cheăng tối tơbleăng tơdroăng gâk kring têa kơxĭ.

Pôa Chan Chun Sing tối púi rơhêng vâ thăm mơnhông tơrŭm tung mâu kơvâ cheăng, malối cho tung tơdroăng hnê mâu ngế cheăng Việt Nam lăm hriâm tâp a Singapore, veăng gum mơdêk ivá pơkuâ ngăn lêng péa tơnêi têa tung pơla tơdroăng tung kơpong ai hên tơdroăng ki pơhlêh ôh tá ‘nâi hdrối.