Khu kăn mơnhên tơdroăng hlê plĕng, pêi pro Tơdroăng pơkâ Hneăng hôp má XIV ƀă Tơdroăng pơkâ kơxô̆ 01 châ pêi pro kơtăng, tơdâng tơ’mô, ƀă 100% khu pêi cheăng Đảng, kăn ƀô̆, đảng viên veăng hriâm tâp; tơdroăng pơtâng tối châ pêi pro hên, ƀă hôp chi ƀô̆, chuyên đê. Xông tơpui a roh hôp, pôa Phạm Minh Chính, Ngế pro xiâm hnê ngăn tơnêi têa, Kăn pơkuâ hnê ngăn Đảng ủi Chin phuh, mơnhên hiăng pêi tiô hnê mơhno dêi Khu xiâm kal kí, Khu pơkuâ hnê ngăn cheăng Đảng, tơbleăng mâu mơ-éa vâ pêi pro Tơdroăng pơkâ.

Ing tơdroăng châ tơƀrê séa ngăn, Ngế pro xiâm hnê ngăn tơnêi têa pơkâ pơtối hriăn plĕng kêi đeăng khu pêi cheăng Chin phuh tơtro ƀă tơdroăng nếo; tơdrêng amê rah xo pro rế lĕm tro mâu kơ koan tơbleăng cheăng, gum tơdroăng cheăng vâ mơdêk xêt khât, châ tơƀrê pơkuâ, hnê mơhno.