VOV4.Xơ Đăng - Kơxê lơ 5/10, a Hngêi Kuô̆k hô̆i, pôa Trần Thanh Mẫn, Kăn cheăng tung Khu xiâm kal kí, Kăn xiâm phŏ hnê ngăn hnê mơhno má môi Kuô̆k hô̆i hiăng ai roh tơdah pôa Sommad Pholsena, Kăn xiâm phŏ hnê ngăn Kuô̆k hô̆i kong têa Lếo, Kăn hnê ngăn Vi ƀan Hơniâp lĕm ƀă Rŭm môi tuăn Lếo rơtế Khu râ kăn teăng mâ Vi ƀan hơniâp lĕm ƀă rŭm môi tuăn Lếo troh lăm pôu, pêi cheăng a Việt Nam.

a

Pôa Trần Thanh Mẫn, Kăn xiâm phŏ hnê ngăn Kuô̆k hô̆i, Kăn xiâm phŏ hnê ngăn Kuô̆k hô̆i kong têa Lếo, Kăn hnê ngăn Vi ƀan Hơniâp lĕm ƀă Rŭm môi tuăn Lếo Sommad Pholsena rơtế mâu kăn teăng mâ

Xông tơpui a roh tơdah, pôa Trần Thanh Mẫn tối ăm ‘nâi, khu râ kăn pơkuâ Đảng, Tơnêi têa, Kuô̆k hô̆i Việt Nam đi đo môi tuăn, pro tơ’lêi hlâu vâ mâu khu tơrŭm cheăng kuăn pơlê Việt Nam đi đo thăm pro rơdêi tâ, thăm tơrŭm cheăng nhŏng o ƀă tơrŭm ƀă mâu khu tơrŭm cheăng kuăn pơlê Lếo. Môi tuăn ‘na mâu pơkâ dêi pôa Trần Thanh Mẫn, Kăn xiâm phŏ hnê ngăn Kuô̆k hô̆i kong têa Lếo tối ăm ‘nâi, peăng Lếo kô pơtối pơtâng tối, hnê hriâm ƀă rak tơdroăng tuăn pâ nhŏng o ki má môi pơla péa tơnêi têa; thăm pêi pro rơdêi tâ trâm mâ mơhno khôi túa lĕm, mơhnhôk mơ’no liăn cheăng tê mơdró, ôm hyô.

VOV/Tơplôu: A Sa Ly