Tiô tơdroăng chêh bro tơtêk, hneăng hơnăm 2026 – 2030, Dak Lak châ pơkâ tơtêk tơdâng 11 – 11,5%/hơnăm; tâi tâng GRDP 5 hơnăm tiô tối hdrối châ vâ chê 700 rơpâu rơtal liăn. Tơdroăng chêh rêm hơnăm pơrá a kơlo péa kơxô̆, sap ing 10,2% hơnăm 2026 tâk 12% a hơnăm 2030.

Hdrối pơkâ tơtêk péa kơxô̆ tung pơla hên tơdroăng pêi pro ối hrá, pôa Lương Nguyễn Minh Triết, Kăn pơkuâ hnê ngăn cheăng Đảng kong pơlê Dak Lak pơkâ thế ai troăng pêi djâ tơdroăng ki châ tơƀrê hluâ pơkâ, kal mơjiâng troăng kơjo, kơdroh hâi khế pêi pro mâu tơdroăng tơkêa bro kân, pro tơnêi ki ối ai tơtêk sap hơnăm 2026.