VOV4.Xơ Đăng - Kơxê lơ 12/9, khu ngăn Đảng ủy kong pơlê Gia Lai tơkŭm po hneăng hôp tối tơbleăng pơkâ dêi Khu kăn hnê ngăn Đảng tơdroăng cheăng kăn ƀô̆, tơbleăng pơkâ dêi Kăn hnê ngăn Đảng ‘na tơdroăng xing xoăng pêi cheăng, xo pôa Trương Hải Long - Ngế cheăng tung khu kăn Đảng, Ngế phŏ ngăn tơdroăng cheăng pêi veăng ƀă Khu kăn, khu pơkuâ cheăng Đảng ủy kong pơlê Gia Lai, pro Ngế phŏ hnê ngăn Đảng kong pơlê Gia Lai hneăng 2021-2026. A hneăng hôp, châ rak xo dêi khu kăn Đảng ƀă Khu tơrŭm cheăng xiâm, pôa Hoàng Đăng Quang - Ngế cheăng tung tíu xiâm Đảng, phŏ pơkuâ Tơkŭm po cheăng xiâm tơnêi têa tơbleăng pơkâ.

Pôa Hoàng Đăng Quang - Ngế xiâm phŏ ngăn Khu tơrŭm cheăng xiâm tơnêi têa tơbleăng pơkâ dêi Kăn hnê ngăn Đảng ăm pôa Trương Hải Long

Pôa Trương Hải Long, kot mâ lơ 18/4/1976, pơlê xiâm tơring Yên Phong, kong pơlê Bắc Ninh, mot Đảng hơnăm 2004, hiăng hriâm klêi Đại học Khoa hok xã hội và Nhân văn, Đại học Ngoại ngữ  (Đại học Quốc gia Hà Nội);  hiăng klêi hriâm thạc sĩ Luật  ƀă  lý luận chính trị cao cấp. Hdrối vâ châ rah xo pro kăn phŏ hnê ngăn Đảng ủy kong pơlê Gia Lai, pôa Long hiăng to pro luâ hên kơvâ cheăng môi tiah pro phŏ Vụ trưởng, Vụ trưởng Vụ Kŏng chưk- viên chức, Bộ nội vụ; Ngế cheăng tung khu kăn Đảng, Ngế phŏ Nội vụ (ing khế 6/2021 troh nôkố) ƀă ai pơkâ pro Ngế xiâm Bộ Nội vụ pơla hơnăm 2021-2026.

Gương tơplôu ƀă tơbleăng