Kơxo hâi lơ 21/6, a Hà Nội, hiăng tơbleăng Trang Thông tin điê̆n tưh tâi tâng ‘na Khu ngăn mâu lêng hneăng hdrối Việt Nam. Tung trang thông tin mê ai 7 tơdroăng chêh ki xiâm ƀă 4 tơdroăng, vâ ‘nâi ‘na tơmeăm kơmăi tính, kơmăi tính bảng, phôn râng kŏng. Trang thông tin mê chêh tối hnê mơhno mâu tơdroăng chêh hnê mơhno, pơkuâ pêi pro dêi Khu kăn xiâm troh mâu kong pơlê, pơlê kong kơdrâm ƀă mâu ngế lêng hneăng hdrối nah.

Tơrŭm ƀă hnê tối, túa pêi cheăng dêi tơdroăng tơ’noăng pâ nhoăm tơnêi têa dêi khu lêng hneăng hdrối Việt Nam, châ ’nâi, khĕn kơdeăn, tơbleăng troh lâp lu  ‘na mơngế ki lĕm pêi tơdroăng lĕm, mâu túa pêi cheăng rơkê, mâu ngế ki nếo tung mâu lêng hneăng hdrối dêi Việt Nam. Kăn xiâm hnê ngăn Khu ngăn mâu lêng hneăng hdrối Việt Nam pơkâ thế, Hlá tơbeăng chêh ‘na Mâu lêng hneăng hdrối Việt Nam kal tơkŭm hnê troh mâu kăn ƀô̆ mâu mâu kuăn pơlê ‘na tơdroăng nếo ai, tơdroăng mơhnhôk tơ’noăng “Mâu leng hneăng hdrối djâ troăng lĕm ahdrối” kum dêi rơpó kơdroh kơklêa xăm kơtiê, tối teăm tơdrêng, tơdrăng khât mâu tơdroăng púi vâ, hnê tối, tơbleăng ăm ‘nâi mâu tơdoăng troh tâi tâng mâu kăn ƀô̆ mâu ngế tung khu.