Troh veăng ai mâ ƀă tơpui a rôh leh, pôa Nguyễn Thanh Nghị, Ngế cheăng tung Khu xiâm kal kí, Ngế xiâm ngăn Troăng hơlâ, tơdroăng pêi pro tŏng gum tung la ngiâ Tơnêi têa rơkâu mâu ngế krê ki châ ô eăng; tối nhên, mâu ngế hơnăm ối nếo cho mâu ngế ki tơdjâk hiâm mơno cheăng kơhnâ, tơdjâ tơdroăng ki lĕm tro ăm mâu rơxông hơnăm ối nếo djâ troăng ahdrối tung hriâm tâp, hriăn ngăn, pêi cheăng, pơhlêh nếo tơmiât pêi rơkê, rơkê tung tơdroăng xúa khoa hok kong ngê̆, khên tơmiât, khên pêi ƀă pleăng dêi hnoăng xua ki pơxúa ăm tơnêi têa, ăm hdroâng mơngế.

Sap ing 145 to hồ sơ dêi 73 tíu pêi cheăng, Hô̆i đong Pri tơ’noăng ing péa rôh séa ngăn rah xo ƀă rah xo tơdrêng ing troăng hyôh internet hiăng rah xo 10 ngế ki kơhnâ rơkê. Rêm ngế krê pơrá djâ vế tơdroăng ki pêi pro lĕm tro, ôh ti xê tơmiât pêi rơkê, pleăng dêi hnoăng mê ối veăng pơkuâ ngăn, tơdjâk hiâm mơno rơkê plĕng ƀă mơjiâng pro inâi Việt troh lâp plâi tơnêi.