VOV4.XơĐăng - Hâi lơ 20/7, khu kăn ki pêi dêi hnoăng cheăng Tíu xiâm Đoân droh rơtăm Kŏng san Hồ Chí Minh xua Nguyễn Phạm Duy, kăn pơkuâ ngăn Tíu xiâm Đoân, kăn hnê ngăn Hô̆i đong Tơnêi têa pro kăn xiâm pơkuâ djâ khu kăn kố hiăng pôu, hbru tơmeăm ăm đô̆i droh rơtăm ki pleăng dêi hnoăng cheăng a rơnó pơtê hriâm 2022 a tơring tíu tơkăng kong Ea Súp, kong pơlê Dak Lak.

Khu kăn lăm pôu ƀă hbruô tơmeăm ăm mâu ngế ki pleăng dêi hnoăng cheăng a rơnó pơtê hriâm a tơring tơkăng kong Ea Súp, kong pơlê Dak Lak

Khu kố hiăng veăng a leh hiăng pro klêi kế tơmeăm droh rơtăm ki pro bâ eăng troăng pơlê ƀă pôu, hbru tơmeăm ăm mâu khu droh rơtăm ki pleăng dêi hnoăng cheăng a rơnó pơtê hriâm a mâu cheăm Ia Lốp, Ia Rơvê ƀă pôu ngăn tíu meăm xối tơbâ, tơneăn tâp hdró tíu tơkăng kong, hbru tơmeăm ăm lêng mố đô̆i gâk tơkăng kong Ea Hleo.

A mâu tíu troh pôu, khu kố hiăng kơ-êng, mơhnhôk mâu ngế ki pleăng dêi hnoăng cheăng a rơnó pơtê hriâm, tơdroăng xah hêi trâm mâ mâu vâi o phô̆m vâ xông ƀă mâu lêng mố đô̆i gâk tơkăng kong, hbru tơmeăm kơnâ 2,5 rơtuh liăn môi hnoăng kum mâu khu ki pleăng dêi hnoăng cheăng.

Katarina Nga tơplôu ƀă tơbleăng