A Hà Nội, Khu pơtâng tối tơdroăng kal Tơnêi têa ƀă Um tơvi Việt Nam tơrŭm tơkŭm po tơdroăng “Hồ Chí Minh – Pói rơhêng vâ 2022” – Ôu eăng mâu ngế ki djâ troăng ahdrối tung lâp tơnêi têa tung hriâm tâp ƀă pêi pro tiô troăng tơdjâ hiâm mơno Hồ Chí Minh. Pôa Nguyễn Xuân Phúc, Kăn xiâm hnê ngăn tơnêi têa rơtế ƀă hên mâu kăn pơkuâ Đảng, Tơnêi têa veăng a rôh po tơdroăng. Tơdroăng kố ai 3 hneăng ƀă mâu inâi: Tơdroăng ki têk on: Ivá tơdroăng loi tơngah ƀă Pói vâ ôu eăng.

Pôa Nguyễn Xuân Phúc, Kăn xiâm hnê ngăn tơnêi têa ƀă mâu kăn veăng a Tơdroăng ‘Hồ Chí Minh – Pói rơhêng vâ 2022”.

Tung plâ rôh po tơdroăng cho mâu tơdroăng ki mơđah ‘na kuăn mơngế hiăng ƀă dế djâ tơvế tung tơná plá on ki hâk vâ dêi tâi hiâm mơno tơná kum kuăn pơlê, ôh tá xâu tơbrêi xơpá, pơloăng mơnúa; mâu tơdroăng ‘na mâu ngế ki djâ troăng ahdrối hlâ rêh xua kuăn pơlê, Tơnêi têa, tơplâ ƀă mâu tơdroăng ki ôh tá tro, ki ‘mêi ƀă hên ki ê. Ing mê rak vế tơdroăng ki loi tơngah dêi kuăn pơlê tung lâp kơpong dêi tơnêi têa ƀă Đảng, ƀă Tơnêi têa.

Mơđah hơdruê xuâng ngê̆ thuât tung chôu phut mê

Lơ mâu tơdroăng ki ‘na hlê plĕng, tơdroăng tơmiât rơkê dêi mơngế Việt Nam vâ mơnhông mơdêk tơnêi têa. A rôh po tơdroăng kố, mâu kăn ối châ trâm mâ tơpui tơno ƀă mâu ngế ki djâ troăng ahdrối, tối ‘na mâu tơdroăng ki pêi pro ai pơxúa.