Mâu rơkong tơpui tối dêi mâu kăn ki veăng ai mâ a rôh hôp môi tuăn ƀă mơnhên, tơdroăng pơkuâ tơtro, rĕng, achê dêi khu pơkuâ ngăn Đảng, Khu pơkuâ ngăn cheăng Đảng kong pơlê Lâm Đồng cho tơdroăng ki pơkâ; tơdroăng ki veăng pêi pro tơdâng tơ’mô dêi tá khu pơkuâ cheăng kal kí cho tơdroăng ki kal xiâm ƀă tơdroăng ki môi tuăn pêi pro kơhnâ dêi Kuăn pơlê cho tơdroăng ki krá tơniăn ƀlêi chiâng dêi rôh tâ phĭu.

Pôa Lưu Văn Trung, Kăn hnê ngăn Hô̆i đong kong pơlê, Phŏ Khu hnê mơhno tâ phĭu pôk kăn, Kăn hnê ngăn Vi ƀan Tâ phĭu kong pơlê Lâm Đồng, tối rơdêi, ƀlêi chiâng dêi rôh tâ phĭu ai pơxúa kal khât tung mơjiâng kơ koan cheăng tơnêi têa krá rơdêi.

Kong pơlê Lâm Đồng tơmâng xo, khĕn kơdeăn hên khu pú hên, ngế krê ki kơhnâ rơkê tung cheăng tâ phĭu pôk kăn Kuô̆k hô̆i hneăng XVI ƀă kăn Hô̆i đong hnê ngăn rêm râ, hơnăm 2026 – 2031