VOV4.Xơ Đăng - Kơxo lơ 17/8, pôa Phạm Minh Chính, Ngế pro xiâm hnê ngăn Chin phuh veăng ai mâ a tơdroăng pơxiâm vâ pêi cheăng hơ’lêh nếo rơkê ƀă Hâi mơdĭng tơdroăng cheăng hơnăm 2022” xua Học viện Nông nghiệp Việt Nam tơkŭm po. Tơpui a rôh po tơdroăng, pôa Phạm Minh Chính, Ngế pro xiâm hnê ngăn Chin phuh tối nhên, mơnhông pêi chiâk deăng cho môi tung mâu hnoăng cheăng ki kal khât tung tơdroăng cheăng la ngiâ mơnhông mơdêk cheăng kâ rêh ối pơlê pơla dêi tơnêi têa.

Tơdroăng ki vâ pơxiâm cheăng hơ’lêh nếo rơkê ƀă Hâi mơdĭng cheăng hơnăm 2022

Pêi chiâk deăng hiăng, dế ƀă kô đi đo cho tơdroăng ki xiâm dêi tơdroăng cheăng kâ, veăng kum pro tơniăn tơdroăng rêh ối kuăn pơlê. Ngế pro xiâm hnê ngăn tơnêi têa rơhêng vâ ƀă rơkâu mâu sinh viên ki ai mâ hâi kố tăng hlo tơdroăng cheăng pêi tơtro ƀă tơdroăng hriâm dêi tơná, ivá, tơdroăng ki rơhêng vâ dêi mâu vâi o; rơkâu mâu sinh viên dêi Học viện Nông nghiệp Việt Nam ƀă hok tro sap ing 700 to hngêi trung râ má pái dế séa ngăn tơdroăng kố ing mâu um tơvi, rơ’jíu kô pơxiâm pêi cheăng ƀlêi chiâng ƀă ai mâu ivá veăng kum tơxâng ăm tơdroăng cheăng mơjiâng ƀă rak vế Tơnêi têa.

Katarina Nga tơplôu ƀă tơbleăng