Hâi kố lơ 29/6, ai lối 1 rơtuh ngế hok tro tung lâp tơnêi têa mot tơ’noăng hâi má 2 xuân cho hâi tơ’noăng má mơ’nui dêi hneăng tơ’noăng mơgêi hriâm râ má pái phôh thong hơnăm 2023. Tung rôh tơ’noăng peăng kơxo, mâu hok tro tơ’noăng ƀai Khoa học tự nhiên, lơ Khoa học xã hội ƀă môn nâl kong têa ê xuân tơ’noăng tiô tơdroăng tơ’noăng trắc nghiệm.

Tung mê, ƀai tơ’noăng Khoa học tự nhiên ai 3 môn tơ’noăng cho Vật lý, Hoá học  ƀă  Sinh học; bài  tơ’noăng Khoa học xã hội mê cho mâu môn Lịch sử, Điạ lý ƀă Giáo dục công dân ƀă mâu hok tro ki hriâm tơdroăng ‘na yăo yuk phôh thong râ má phái phôh thong, lơ môn tơ’noăng  ‘na Lịch sử, Địa lý ƀă hok tro ki hriâm tơdroăng Yăo yuk thường xuyên râ má pái phôh thong. Rêm môn pro ƀai tơ’noăng  Khoa hok tự nghiên, Khoa học xah hô̆i mê ton 50 phut.

Tiô Khu xiâm ngăn hnê hriâm ƀă hnê mơjiâng tuăn ngôa rơkê riân ngăn, tâi tâng kơxô̆ hok tro chêh inâi tơ’noăng pro ƀai Khoa học tự nhiên ai lối 323 rơpâu ngế vâi o ƀă kơxô̆ hok tro chêh inâi tơ’noăng pro bài ‘na Khoa học xã hội  ai lối 566 rơpâu ngế hok tro.

Tung hâi hnah, Khu xiâm ngăn hnê hriâm ƀă hnê mơjiâng tuăn ngôa rơkê hiăng tơbleăng kơthô pơtroh ăm Kăn xiâm hnê ngăn Vi ƀan mâu kong pơlê, pơlê kong kơdrâm ‘na tơdroăng mơdêk hneăng cheăng pro tơniăn ăm Hneăng tơ’noăng mơgêi hriâm râ má pái phôh thong hơnăm 2023 klêi ai tơdroăng vâi tro ‘nâi ko ƀai tơ’noăng Ngữ Văn ƀă Toán tung măng xah hô̆i.