VOV4.Xơ Đăng - Tơdroăng ing Khu pơkuâ na tơkêa bro mơ’no liăn mơjiâng mâu troăng kân kong pơlê Kon Tum tối ăm ‘nâi, troh nôkố Tơdroăng tơkêa bro rơnêu ăm krá lĕm, pro ăm i krá mâu troăng ki xiâm a troăng kân tơnêi têa 24 tơkâ kong pơlê Kon Tum hiăng pêi kêi đeăng. Tiah mê tá tui lui tơdroăng rơnêu ăm i lĕm, pro i krá kâk troăng kân xuân hiăng kêi đeăng tơxâng hâi khế pơkâ lơ 30/6, hâi khế pơkâ ki Khu xiâm pơkuâ troăng prôk ƀă rơxế kơtâu hiăng thế pơ’lêh roh má 2 ƀă tơdroăng mơjiâng pro troăng kân kố.

Mơjiâng pro thâ Tơdroăng tơkêa bro troăng kân rơnêu ăm lĕm, pro ăm i krá troăng kân mâu kơpong ki xiâm a troăng kân Tơnêi têa 24 kơpong tơkâ tơring Kon Plông, kong pơlê Kon Tum

Pôa Đàm Phúc Tuyên, Kăn pơkuâ Tơdroăng tơkêa bro mơ’no liăn cheăng mơjiâng mâu troăng klông kong pơlê Kon Tum tối ăm ‘nâi, tơdroăng tơkêa bro pro troăng kân xŏn 31 km, tung mê, 9 km kơpong tơkâ pơlê kong kơdrâm Kon Tum ƀă tơring Kon Rẫy. Tơdroăng tơkêa bro ki má 2 ối tung Tơdroăng tơkêa bro rơnêu ăm lĕm, rơnêu i krá kâk mâu kơpong troăng ki xiâm a troăng kân tơnêi têa 24 tơkâ hluâ kong pơlê Kon Tum ai tâi tâng kơlo liăn mơ’no lối 847 rơtal liăn, pơxiâm pro sap hâi lơ 23/7/2020. Tơdroăng tơkêa bro xŏn 31 km xua Khu pơkuâ troăng prôk ƀă rơxế kơtâu kong pơlê Kon Tum pơkuâ mơ’no liăn pro.

A Sa Ly tơplôu ƀă tơbleăng