Sap ing tíu roh tơhnâp tơnêi a pơlê kong kơdrâm Đà Lạt, kong pơlê Lâm Đồng, mâu khu cheăng hiăng tăng hlo tíu 2 ngế trâm xía vâ tro kơđu tung kơdâm tơnêi, ƀê tong. Roh tơhnâp drêng kong mêi kân ton to lâi chôu a kơmăng lơ 28/6 hiăng pro môi kơnâng kĭng troăng kân vâ chê 20 met a kơtâu 36, troăng Hoàng Hoa Thám, bêng 10, pơlê kong kơdrâm Đà Lạt tro tơhnâp a dâng 2 – 3h kơxo hâi lơ 29/6.

Roh tơhnâp tơnêi kố pro 2 toăng hngêi tro trut hơngế ing xiâm, tơnêi hmốu tơhnâp kơđu hên ngế. Tiô ngoh Lưu Xuân Đua, dôh mâu ngế ki trâm xía vâ, 2 ngế tro trâm xía vâ cho on veăng pơlê a tơring Phú Hòa, kong pơlê Phú Yên, rơtế lối 10 ngế ki ê ing Phú Yên troh Đà Lạt pro kŏng nhân mơjiâng pro hngêi.

Drêng ai tơdroăng kó, bu ai prế on veăng ki trâm xía vâ koi tung hơkôp. Lối 10 ngế kŏng nhân ki ê koi a tíu meăn mơjiâng pro hngêi mơhúa hluăn ing xía vâ. Klêi kơ’nâi ai tơdroăng kố, khu cheăng kong pơlê Lâm Đồng hiăng ai mâ amê thâ tŏng xo mơngế trâm xía vâ, tŏng xo mơngế. Ai 5 ngế châ teăm tŏng xo tơdrêng tung tíu tơnêi tơhnâp ƀă djâ troh hngêi pơkeăng thâ khăm pơlât.