Hâi lơ 30/6, a Tíu Hngêi hôp kân kong pơlê Gia Lai ki nếo, Ngế pơkuâ tơdroăng kal ƀă Mơhnhôk cheăng xiâm Nguyễn Trọng Nghiã hiăng pơkuâ ƀă tơbleăng mâu pơkâ, cho pơkâ ki kal dêi Tíu xiâm tơnêi têa ƀă kong pơlê tơdjâk troh tơdroăng tơ’mot tơdjuôm tíu pêi cheăng kong pơlê Gia Lai ƀă kong pơlê Bình Định. Tơbleăng hnê mơhno a rôh leh, pôa Nguyễn Trọng Nghiã tối, tơdroăng pro rế lĕm tíu pêi cheăng râ kong pơlê ôh tá xê to po rơdâ ‘na tơnêi tíu lơ pơ’leăng mâ mơngế mê ối cho xiâm ki mơnhông tơƀrê nếo tŭm tơdroăng.

Kong pơlê Gia Lai nếo kô ai rôh mơnhông tơƀrê ing mâu kơvâ cheăng môi tiah kơmăi kơmok, pêi cheăng kơmăi kơmok ki nếo, on tơhrik ‘mâi pro, tê mơdró, kơno têa kơxĭ, logistics ƀă ôm hyô. Tơdroăng tơrŭm kong pơlê Gia Lai ƀă Bình Định ƀă inâi pơxá kong pơlê Gia Lai ôh tá xê to pro tơdroăng cheăng kâ ƀă kal kí nếo ối po rôh vâ kong pơlê Gia Lai mơnhông tŭm tơdroăng. Ƀă mâ ngăn troăng hơlâ ƀă hnoăng pơkuâ kơtăng, kong pơlê Gia Lai châ tơngah kô chiâng môi kong pơlê túa nếo, veăng ‘no hnoăng mơnhông  tơdjuôm dêi kơpong ƀă tung lâp tơnêi têa.