A Rôh hôp, mâu kăn ai tối tiah kố, Kơxop hlá mơéa tơdroăng tơkêa hiăng pêi pro klêi 3 hnoăng cheăng ki xiâm cho tro tiô pơkâ tơdjêp ƀă mơjiâng bro 6 khu cho mâu troăng hơlâ pêi pro túa pơkâ. Laga, kal ‘mot tơ’nôm mâu tơdroăng séa ngăn luât ƀă mâu hlá mơ-éa dêi Đảng ƀă Tơnêi têa vâ rak tơniăn tơdroăng.

Hên mâu kăn xuân tối tiah kố, rơtế ƀă mơnhên tối tơdroăng cheăng kâ rêh ối pơlê pơla, nôkố tơdroăng troăng kơphô̆, thôn pơlê, tơdjêp hngêi trăng, troăng klông, xúa tơnêi, Tơdroăng tơkêa kal mơnhên tối hên ‘na kế kong, ki hên dêi mâu kế tơmeăm sinh hok, tơdroăng ki kong prâi hơ’lêh ƀă mơ’no trếo kơƀêl, tơdroăng ki hnê hriâm tơdroăng cheăng ƀă khoa hok kong ngê̆ vâ ai troăng hơlâ pêi pro tơtro.

Tâi tâng rôh po hôp

Tung pơkâ mơnhông pêi chiâk deăng, kal tối nhên tâ tơdroăng cheăng kâ pêi chiâk deăng dêi kong pơlê ƀă kal tơmiât nhên mâu tơdroăng pơkâ dêi hơnăm 2021 – 2030 cho hvêa chêng prôk mơjiâng ivá ăm mơnhông pêi chiâk deăng xúa kơmăi kơmok krá ton, tơtro ƀă kơxô̆ liăn ƀă tơdroăng ki rơkê plĕng tung pêi mơjiâng bro, cheăng kâ dêi kong pơlê.

Mâu kăn tơpui tơno, tối mâu tơdroăng ki pâ thế a rôh hôp

Kơxop hlá mơéa Tơdroăng tơkêa pơkâ kong pơlê Dak Lak hơnăm 2021 – 2030, hnoăng pêi troh hơnăm 2050 dế châ xo rơkong tơpui tối tung lâp lu tung lâp kong pơlê vâ pêi klêi pơtroh ăm mâu râ kăn ki ai hnoăng pơkuâ kĭ pơkâ. Tơdroăng tơkêa kố pơkâ troh hơnăm 2050 Dak Lak chiâng kong pơlê ki rơkê plĕng mơnhông dêi tơnêi têa.