VOV4.Xơ Đăng - Tơring Krông Pač, kong pơlê Dak Lak hbrâ po leh plâi sầu riêng Krông Pač. Kố cho tơdroăng ki châ mâu kăn tơring tối a rôh hôp tơbleăng a hâi lơ 22/8. Leh plâi sầu riêng tơring Krông Pač rôh má môi, hơnăm 2022, pơxá “Mơdêk  plâi sầu riêng Krông Pač” kô châ po a hâi lơ 1/9 ƀă ton ta troh lơ 3/9 a pơlê kân Phước An ƀă mâu cheăm tung tơring Krông Pač.

Sầu riêng cho môi tung plâi kâ ki pro pơxúa cheăng kâ hên ăm kuăn pơlê ki pêi chiâk a Dak Lak

Tung tơdroăng po leh kô ai hên tơdroăng pêi pro, mê cho: Po kơchơ tơbleăng tê tơmeăm ‘na mâu plâi, tơmeăm pê lo ing chiâk deăng dêi tơring ƀă mâu tơring ki achê; Khu mơhnhôk krếo thế khu ‘no liăn cheăng ƀă mơnhông mơdêk tơmeăm pê lo ing chiâk krá tơniăn. malối, tung mâu rôh pêi pro ‘na ki lĕm tro - Tơbleăng ôm hyô, kô ai tơ’nôm mâu tơdroăng pêi pro; kơ’nêi khinh khí cầu, dù lượn, kơ’nêi on tơdrong a têa, klê têa to plong ƀă hên ki ê.

Gương tơplôu ƀă tơbleăng