VOV4.Xơ Đăng - Hâi lơ 19/8, a kong pơlê Ninh Thuận, Khu xiâm ngăn ‘na tê mơdró tơkŭm po hneăng hôp kơvâ cheăng tê mơdró dêi 15 to kong pơlê, pơlê kong kơdrâm kơpong Tơdế tơnêi têa - Tây nguyên rôh má 13. Tung pơla hdrối kố nah, 15 to kong pơlê, pơlê kong kân kơpong Tơdế tơnêi têa - Tây Nguyên hiăng pêi châ tơ-brê kân tung hên tơdroăng cheăng. malối, hơnăm 2021, kơpong ai 2 kong pơlê, tung 5 to kong pơlê, pơlê kong kơdrâm ko hiăng pêi châ tơ-brê tung hên tơdroăng cheăng.

Tâ tá hneăng hôp

Malối, hơnăm 2021, kơpong ai 2 kong pơlê tung Khu 5 kong pơlê, pơlê kong kơdrâm ai kơlo tâk GRDP hên má môi lâp tơnêi têa: Gia Lai 8,71%; Ninh Thuận 9% 9 Lâp tơnêi têa tâk 2,58%. Pakĭng mâu tơdroăng châ pêi pro tơ-brê, tơdroăng pêi cheăng ƀă kơmăi kơmok, tê mơdró dêi mâu kong pơlê xuân ối, ki xơpá, malối ‘na luât, luât pơkâ luât tŏng kum ƀă tơkŭm pêi mâu tơdroăng cheăng tơdjâk kơpong, tơdjêp mơnhông mơdêk.

Vâ tơkâ luâ tơdroăng pá tơvâ tơvân, ki hâi pêi, Hneăng hôp hiăng tơkŭm tơpui tơno, hnê tối vâ tâh ki xơpá, tơvâ tơvân ai tơdjâk tung rak ngăn tơnêi têa dêi mâu kong pơlê ing mê tối troăng rơhlâ mơdêk pêi cheăng tê mơdró, pro tơrŭm, tơjo kum, tơrŭm cheăng tung mơnhông kơvâ tê mơdró rêm kong pơlê, pơlê kong kơdrâm ƀă tung kâp kơpong.

Gương tơplôu ƀă tơbleăng