Hâi lơ 23/10, khu râ kăn pơkuâ Vi ƀan tơring Bảo Lâm, kong pơlê Lâm Đồng hiăng hnê mơhno mâu tíu cheăng ki tơdjâk séa ngăn tíu ki rơheăng chiâng troăng klôh trâu klâ chiâng tơdế ngo a thôn 4, cheăm Lộc Tân. Tiô mơnhên, a kối ngo ai tíu rơheăng kân rơdâ dâng 1,5 met, rơheăng xŏn châ hrĭng met ing kối ngo chu a chêng ngo. Rơtâ tá kơpong ai to lâi tíu tơhnah tơhnâp, hên hmốu kân hngăm cha chât tâ̆n ối tơprâ tơprŭng, tơ’lêi klêh chu pá kơpong kơtâu Cốc drêng lâi ôh tá ‘nâi.

Pôa Đặng Văn Hân, ối a thôn 4, cheăm Lộc Tân, tối ăm ‘nâi, kơtâu Cốc ai dâng 20 rơpŏng kuăn pơlê rêh ối. Rêm hâi, kơpong kố ai hên ngế troh kriê chếi ƀă prôk lăm a troăng kân pá kơdâm chêng ko. Drêng châ hlo ngo tro rơheăng trâu tơdế ngo, kuăn pơlê tô tuăn xâu tơ’lêi tơhnah tơhnâp, rơ-iô troh châ chăn. Vi ƀan tơring Bảo Lâm hiăng hnê mơhno khu cheăng cheăm Lộc Tân tâp kơƀâng tơbleăng ƀă pêi pro mâu troăng vâ hbrâ ví ki rơ-iô kô ai.