VOV4.Xơ Đăng - Kơxo lơ 5/8, Khu tơrŭm nhŏng o Việt Nam – Lếo kong pơlê Dak Lak, Việt Nam ƀă Khu tơrŭm nhŏng o Lếo – Việt Nam kong pơlê Sekong, Lếo tơkŭm po Hneăng hôp mơgêi pơtân 4 hơnăm pro nhŏng o. Tung 4 hơnăm hiăng hluâ, 2 kong pơlê nhŏng o Dak Lak ƀă Sekong hiăng pêi pro hên tơdroăng ki pơxúa, kum thăm rak tơniăn, rŭm tâ mê nếo, thăm krá tơniăn tâ tơrŭm cheăng lĕm tro pơla 2 tơnêi têa Việt Nam – Lếo.

Khu kăn dêi kong pơlê Dak Lak (Việt Nam) ƀă Khu kăn dêi kong pơlê Sekong (Lếo)

Péa pâ rak tơdroăng tơrŭm tơbleăng tơdroăng, pro tơ’lêi hlâu ăm kăn ƀô̆ kong pơlê khu tơrŭm nhŏng o 2 kong pơlê trâm mâ, hriâm a dêi pó, hnê dêi pó túa ki rơkê tơtro tung pêi cheăng. Khu kăn pơkuâ ngăn Hô̆i Dak Lak hiăng tơrŭm, tŏng kum, séa ngăn tơdroăng hnê mơjiâng, pro tơ’lêi hlâu má môi ăm 59 ngế hok tro Lếo dế hriâm a mâu hngêi trung tung kong pơlê Dak Lak. Rak tơdroăng tơkŭm po Têt tiô khôi vâi krâ nah Bunpimay rêm hơnăm ăm mơngế Việt Nam xiâm rêi Lếo a cheăm Krông Na, tơring Ƀuôn Đôn.

A Sa Ly tơplôu ƀă tơbleăng