VOV4.Xơ Đăng - Kơxo lơ 15/8, a Hngêi Kuô̆k hô̆i , pơxiâm po hneăng hôp tơdroăng kal ‘na Luât khế 8 dêi Vi ƀan pơkuâ cheăng Kuô̆k hô̆i. A hneăng hôp mê, Vi ƀan pơkuâ cheăng Kuô̆k hô̆i  ăm hnê tối hên tơdroăng ki kal hbrâ vâ hôp roh má 4 dêi Kuô̆k hô̆i hneăng 15. ‘Na tơdroăng mơjiâng luât , Vi ƀan  pơkuâ cheăng Kuô̆k hô̆i  ăm hnê tối a 3 tơdroăng luât tối vâ pơtroh ăm Kuô̆k hô̆i  ăm hnê tối rôh apoăng a roh hôp má 4 la ngiâ, tá tơdroăng tơkêa luât rak ngăn ki pơxúa dêi mơngế rôe xúa (‘mâi hơ’lêh); Tơdroăng tơkêa luât hbrâ mơngế; tơdroăng tơkêa luât hbrâ, mơdât  pê lo kơxô̆ liăn ki ôh tá lê̆m ôh tá tơbleăng. Vi ƀan pơkuâ cheăng Kuô̆k hô̆i  xuân hnê tối ‘na tơdroăng tối nhên, tơmâng xo, ‘mâi hơ’lêh 5 tơdroăng tơkêa luât pơtroh ăm Kuô̆k hô̆i séa ngăn, tơbleăng a rôh hôp má 4 tá: tơdroăng tơkêa bro Luât têa châu (‘mâi hơ’lêh); Luât hbrâ mơdât tơhôu tơdêng tôu pâm tung on veăng (ki ‘mâi hơ’lêh); Tơdroăng tơkêa luât séa ngăn (‘mâi hơ’lêh); tơdroăng tơkêa luât pêi pro tro tuăn kuăn pơlê a pơlê cheăm; Tơdroăng tơkêa luât ‘mâi hơ’lêh, tơ’nôm mâu tơdroăng luât tần số vô tuyến điện.

Gương tơplôu ƀă tơbleăng