VOV4.Xơ Đăng - Pơtối tơdroăng rôh hôp tơpui ‘na luât khế 9, kơxo lơ 20/9, Vi ƀan pơkuâ Kuô̆k hô̆i ăm hnê tối ‘na tơdroăng tơkêa Luât tơrŭm cheăng (‘mâi hơ’lêh). Tơdroăng tơkêa Luât tơrŭm cheăng (‘mâi hơ’lêh) mê ai 12 Chương, 117 tơdroăng. Tơdroăng luât po rơdâ vâ ai hên ngế veăng mê cho mâu ngế ing 15 hơnăm tơngi klêng, tôh tơrŭm cheăng, khu tơrŭm cheăng veăng tơlo liăn, mâu ngế tơrŭm ki ôh tá pêi lo liăn lơ lo liăn; pakĭng mê, tơ’nôm hnoăng cheăng pêi dêi khu tơrŭm cheăng kâ tơrŭm cheăng tro tiô luât pơkâ thế tơ’mot mâu ngế vâ ai tŭm kơxô̆ mơngế tiô pơkâ drêng kal.

Tơdroăng tơkêa Luât xuân pêi klêi mâu pơkâ ‘na túa tơrŭm cheăng, tơkŭm po teăng mâ. Tung mê, tôh tơrŭm cheăng châ pơkâ nhên kô ôh tá ai luât pơkâ krê xêh, chêh inâi a kơ koan hmâ chêh inâi tê mơdró râ tơring; Khu ki tơrŭm cheăng cho khu tơrŭm cheăng kâ kân râ kơpong, râ tơnêi têa tung mâu tơdroăng cheăng, kơvâ cheăng pêi, tơdroăng ki pơxúa tung mâu tơdroăng cheăng. Xuân tung hâi ki mê, Vi ƀan pơkuâ cheăng Kuô̆k hô̆i ăm hnê tối a tơdroăng tơkêa Luât tơbleăng pro ki (‘mâi hơ’lêh).

Gương tơplôu ƀă tơbleăng