VOV4.Xơ Đăng - Pơtối Rôh hôp ‘na Luât khế 8 dêi Vi ƀan pơkuâ Kuô̆k hô̆i. Hâi lơ 16/8, Vi ƀan pơkuâ Kuô̆k hô̆i ăm rơkong veăng tơpui tối ‘na kơxop Hlá mơéa hbrâ mơdât mâu tơdroăng ki ôh tá pro pơxúa ăm tơnêi têa, ăm kuăn pơlê. Kố cho rôh hôp má 4, Kuô̆k hô̆i hneăng 15. Kơxop hlá mơ-éa Luât ai 7 Chương, 75 Troăng, tơkŭm hên tung 6 tơdroăng.

Mê cho: Mơnhên tối kơlo ôh tá mơhúa ‘na mâu tơdroăng tung rôh tơplâ xâ tơdroăng trâm tung hbrâ mơdât mâu tơdroăng; Xing xoăng tung tơdroăng rak ngăn tơnêi têa ƀă xoăng râ tung tơkŭm pêi pro hbrâ mơdât, ‘mâi mơnhông mâu tơdroăng ki trâm tung rôh tơplâ, tơdroăng ki ôh tá mơhúa; Pơkâ mâu troăng hơlâ rak vế kuăn pơlê ‘na tơdroăng ki ôh tá tơniăn, tơdroăng ôh tá mơhúa ƀă tŏng kum kuăn pơlê ki tơdjâk; Hơ’lêh nếo tơrŭm dêi Khu hnê mơhno hbrâ mơdât mâu tơdroăng ki ôh tá pro pơxúa ăm tơnêi têa; Xúa kơmăi kơmok ‘măn rak hlá mơéa kân (big data) tung hbrâ mơdât, ‘mâi mơnhông klêi kơ’nâi trâm mâu tơdroăng ki ôh tá mơhúa tung rôh tơplâ; Pơkâ tơdroăng pêi pro tơdrêng ‘na hbrâ mơdât.

Tơdroăng pơkâ Luât Hbrâ mơdât cho tơtro ƀă tơdroăng ki kong mê khía mơhot, pơreăng tâ tú, tơdroăng kong têa ê ƀă tung kơpong ai hên tơdroăng ki pơhlêh ôh tá ‘nâi hdrối.

Katarina Nga tơplôu ƀă tơbleăng