VOV4.Xơ Đăng - Kơxo lơ 19/9, a Hà Nội, Vi ƀan pơkuâ Kuôk hô̆i pơxiâm po hneăng hôp tơpui twodroăng kal dêi luât khế 9. Po tung 4 hâi, a rôh hôp mê, Vi ƀan pơkuâ cheăng Kuôk hô̆i ăm hnê tối a hên tơdroăng ki kal, tung mê, ai tơdroăng tơkêa bro luât tơnêi tơníu ki (‘mâi hơ’lêh), luât pơkâ ki kal mơnhông cheăng kâ Ƀuôn Ma Thuột, kong pơlê Dak Lak ƀă mâu tơdroăng tơkêa bro luât ki ê vâ pơtroh ăm Kuô̆k hô̆i a rôh hôp má 4 , po a khế 10 la ngiâ.

Vi ƀan pơkuâ Kuô̆k hô̆i pơxiâm hôp tơdroăng kal ‘na luât pơkâ pêi khế 9

Troh a mâu hneăng hôp mê, Vi ƀan pơkuâ Kuô̆k hô̆i tơkŭm veăng hnê tối ‘na 5 tơdroăng tơkêa luât pơtroh ăm Kuôk hô̆i veăng hnê tối rôh apoăng, mê cho: tơdroăng tơkêa Luât tê mơdró ăm liăn ƀă điê̆n tưh (‘mâi hơ’lêh); tơdroăng tơkêa luât kâ uâ ki ‘mâi hơ’lêh; tơdroăng tơkêa luât tơrŭm cheăng (‘mâi hơ’lêh);  tơdroăng  tơkêa luât Tăng mâu ngế mơjiâng tơmeăm khoăng (‘mâi hơ’lêh); tơdroăng Tơkêa luât tơnêi tơníu (‘mâi hơ’lêh).

Pakĭng mê, ăm veăng hnê tối ‘na troăng rơhlâ, tơmâng xo, ‘mâi rơnêu tơdroăng tơkêa Luât khăm pơlât pơlât (‘mâi hơ’lêh ăm veăng hnê tối (2 hdroh) ‘na tơdroăng tơkêa luât hbrâ mơdât .

Gương tơplôu ƀă tơbleăng