VOV4.Xơ Đăng - Kơxo lơ 15/8, a Hngêi Kuô̆k hô̆i, pơxiâm po Roh hôp tơdroăng ‘na Luât khế 8 dêi Vi ƀan pơkuâ Kuô̆k hô̆i. Xông tơpui a pơxiâm po roh hôp, pôa Vương Đình Huệ, Kăn xiâm hnê ngăn Kuô̆k hô̆i tối ăm ‘nâi: Tung 4 hâi pêi cheăng, Vi ƀan pơkuâ Kuô̆k hô̆i tơpui tơno ‘na 11 tơdroăng tơkêa bro luât, luât ƀă Pơkâ. Klêi kơ’nâi leh pơxiâm po, Vi ƀan pơkuâ Kuô̆k hô̆i tơpui tơno ‘na tơdroăng ki kal tơbleăng ăm pêi pro Luât ƀă pơxâu phâk liăn ngân ƀă mâu ngế ai mơdât tơdroăng săm tối săm tơkêng.

Tâi tâng a roh hôp

Pôa Vương Đình Huệ mơnhên tối, tơdroăng pêi pro tơdroăng tơleăng hiăng hlo châ tơƀrê hên, laga trâm hên tơvâ tơvân, pá puât. Kăn xiâm hnê ngăn Kuô̆k hô̆i pơkâ thế kơ koan rah chêh kal mơnhên tơdroăng xiâm kố. Pakĭng mê, mơnhên tơdroăng pơxâu phâk kơtăng tâ ƀă mâu tơdroăng mơdât tơdroăng săm tối săm tơkêng tung tơdroăng xôi kân.

A Sa Ly tơplôu ƀă tơbleăng