VOV4. Xơ Đăng -  Pơtối roh hôp ‘na Luât khế 8, hâi kố, lơ 17/8, Vi ƀan pơkuâ Kuô̆k hô̆i tơpui ‘na tơdroăng tơkêa bro Pơkâ tơbleăng ăm pêi pro pơkâ hneăng hôp Kuô̆k hô̆i (‘mâi rơnêu). Tơdroăng tơkêa bro Pơkâ tơbleăng pơkâ hneăng hôp Kuô̆k hô̆i (‘mâi rơnêu) vâ kum thăm mơnhông tơdroăng pêi cheăng dêi Kuô̆k hô̆i rế hía rế rơkê, tơtro ƀă mơdêk tâ mê nếo ki dâi lĕm, châ tơƀrê mâu hneăng hôp Kuô̆k hô̆i.

Mâu kăn teăng mâ xuân môi tuăn rak pơkâ nôkố ‘na chôu phut vâ xông tơpui dêi mâu kăn teăng mâ Kuô̆k hô̆i cho ôh tá chiâng hluâ 7 phut vâ pro tơ’lêi hlâu ăm kăn teăng mâ Kuô̆k hô̆i hbrâ xêh tung tơdroăng hbrâ tŭm tơdroăng vâ tơpui tơno. Laga, ngế pơkuâ kô chiâng pơ’lêh chôu phut xông tơpui dêi kăn teăng mâ Kuô̆k hô̆i vâ tơpui tơno tro tơdroăng, châ tơƀrê.

A Sa Ly tơplôu ƀă tơbleăng