VOV4.Xơ Đăng - Kơxê lơ 15/9, mâu kăn veăng tơpui hnê hbrâ hneăng hôp má 4 dêi Kuô̆k hô̆i hneăng má 15, pôa Bùi Văn Cường, Kăn xiâm chêh tôm xo rơkong Kuô̆k hô̆i, Kăn pơkuâ Ƀơrô Kuô̆k hô̆i tối ăm ‘nâi, tiô tối hdrối tung pơla pêi cheăng dêi hneăng hôp má 4 cho 23 hâi tơdế. Kuô̆k hô̆i tiô tối hdrối pơxiâm po a hâi lơ 20/10. Pôa Bùi Văn Cường tối ăm ‘nâi, Chin phuh pơkâ thế tơ’nôm tơdroăng xiâm Kuô̆k hô̆i séa ngăn, pơkâ Pơkâ pêi tâi tâng tơnêi têa rơxông 2021 – 2030, tơmiât pêi troh hơnăm 2050; tơbleăng Kuô̆k hô̆i séa ngăn, tơbleăng ăm pêi pro Pơkâ ‘na mơnúa xing xoăng ăm hnoăng rah xo xúa kơxô̆ rơxế ô tô ing há yă ƀă séa ngăn, tơbleăng ăm pêi pro Pơkâ ‘na mơnúa mâu troăng pơkâ pêi, troăng hơlâ ki phá tơ-ê mơnhông mơdêk pơlê kong kơdrâm Ƀuôn Ma Thuột, kong pơlê Dak Lak ƀă séa ngăn mâu troăng tơvâ tơvân, ối pá puât a mâu tíu xo hnoăng liăn/tơdroăng tơkêa bro BOT.

Vi ƀan pơkuâ Kuô̆k hô̆i tơpui tơno ‘na hbrâ hneăng hôp má 4 dêi Kuô̆k hô̆i

Kơ’nâi mê Vi ƀan pơkuâ Kuô̆k hô̆i hiăng hôp mơgêi roh hôp má 15, xông tơpui mơgêi roh hôp, pôa Vương Đình Huệ, Kăn xiâm hnê ngăn Kuô̆k hô̆i pơkâ thế mâu kơ koan pơtối kêi đeăng mâu tơbleăng séa ngăn tơdroăng cheăng, ki rơhêng vâ tối cho Tơbleăng tơdroăng châ tơƀrê séa ngăn tơdroăng cheăng “Tơdroăng pêi pro troăng hơlâ, luât ‘na pêi pro kơdĭng, hbrâ mơdât mơ’nhê tê kơtê hneăng hơnăm 2016 – 2021’’ tơbleăng Kuô̆k hô̆i a Hneăng hôp má 4, Kuô̆k hô̆i hneăng má 15.

A Sa Ly tơplôu ƀă tơbleăng