VOV4.Xơ Đăng -  Pơtối hôp roh má 15, kơxo lơ 15/9, Vi ƀan pơkuâ Kuô̆k hô̆i  văng hnê tối ‘na tơdroăng hbrâ rôh hôp má 4, Kuô̆k hô̆i hneăng 15. Tiô tơdroăng pâ thế dêi rôh hôp má 4, Kuô̆k hô̆i hneăng 15. Tiô tơdroăng pâ thế, rôh hôp má 4, Kuô̆k hô̆i kô tơkŭm tơpui tơno, pêi cheăng 22 hâi; hôp hbrâ ƀă pơxiâm po hneăng hôp a hâi lơ 20/10. Tiô tối hdrối kô tơbleăng 6 tơdroăng tơkêa luât, 1 tơdroăng chêh pơkâ ƀă ăm veăng hnê tối 7 tơdroăng tơkêa Luât.

Kuô̆k hô̆i tơmâng tối tơbleăng ƀă tơpui 'na tơdroăng: Hiăng klêi pêi pro tiô pơkâ mơnhông cheăng kâ - rêh ối ƀă hbrâ liăn ngân tơnêi têa hơnăm 2022; pơkâ tơdroăng mơnhông cheăng kâ - rêh ối  hơnăm 2023, hbrâ liăn ngân tơnêi têa ƀă troăng rơhlâ xing xoăng liăn ngân xiâm tơnêi têa hơnăm 2023. Tí tăng ngăn mâu tơdroăng chêh tơbleăng ‘na tơdroăng cheăng dêi Kăn tơleăng xiâm, Ngế xiâm pơkuâ Tíu xiâm séa ngăn arak luât; tối tơbleăng dêi Chin phuh ‘na tơdroăng cheăng hbrâ, mơdât kâ kơluâ, hbrâ mơdât mâu ai xôi ƀă pro xôi luât, tơdroăng tơleăng pơxâu phâk mâu ki ai xôi hơnăm 2022. Séa ngăn tơdroăng chêh tối tơbleăng mơgêi, tối mâu tơdroăng pêi pro tiô pơkâ kơxô̆ 03 ‘na mâu luât pơkâ hbrâ mơdât pơreăng COVID-19.

Gương tơplôu ƀă tơbleăng