Khu kăn hiăng séa ngăn tơdrêng a kơpong tâ phĭu kơxô̆ 38, bêng Buôn Ma Thuột ‘na tơdroăng hbrâ tơmeăm, tơdroăng chêh inâi kuăn pơlê, inâi mơngế lo tơbriêt tâ phĭu, pơtâp tơdroăng vâ tâ phĭu. Tiô tối tơbleăng, kơpong tâ phĭu  kơxô̆ 38 ai lối 3.110 ngế dêi tôh dân phô̆ 5 ƀă tôh dân phô̆ 8 veăng tâ phĭu. Troh nôkố, tơdroăng hbrâ  troh hâi tâ phĭu vâ tối châ tơbleăng tŭm, tro pơkâ; tơmeăm khoăng, tơmeăm hbrâ  xúa tung tơdroăng tâ phĭu châ hbrâ nhên.

A rôh hôp ƀă mâu ngế tung Vi ƀan ngăn tâ phĭu kong pơlê, jâ Cao Thị Hòa An, ngế cheăng tung tíu xiâm Đảng, Phŏ kăn pơkuâ Tỉnh ủy, Kăn hnê ngăn Hô̆i đong kuăn pơlê dêi kong pơlê, Kăn hnê ngăn Vi ƀan tâ phĭu kong pơlê Dak Lak pơkâ thế séa ngăn, po tŭm nhên inâi kuăn pơlê; mơdêk hnê tối ƀă hên tơdroăng pêi pro vâ phiu ro tung kuăn pơlê.