Pôa Dương Thanh Bình, Kăn pơkuâ Vi ban tiô tuăn kuăn pơlê vâ ƀă séa ngăn pơkuâ po rôh hôp. Vâ pơhlêh troăng pơkâ pêi tŭm mâu troăng hơlâ, troăng pơkâ pêi ki nếo dêi Đảng ‘na klâ xoăng, ‘mot tơkŭm kơ koan cheăng tơnêi têa dêi khu xiâm pơkuâ tơdroăng kal kí, pêi pro túa pơkâ kong pơlê péa râ, kơxop hlá mơéa Luât ‘mâi pơhloêh ‘mot tơ’nôm mâu tơdroăng dêi luât pôk kăn Kuô̆k hô̆i ƀă kăn Hô̆i đong hnê ngăn kuăn pơlê hiăng châ séa ngăn, ‘mâi rơnêu bâ ‘mâi pơhlêh, ‘mot tơ’nôm mâu tơdroăng ki kal tơdjâk troh a 48 tung kơxô̆ 98 troăng dêi Luât nôkố.

Troăng pơhlêh tơkŭm tung mâu pơkâ ki ai tơdjâk troh tơdroăng tơkŭm po kong pơlê péa râ, ‘mâi rơnêu hâi khế pêi pro túa ki pơtroh, hlá mơ-éa pôk kăn, tơdrêng amê hlối tơrŭm ‘mâi pơhlêh, ‘mot tơ’nôm mâu tơdroăng ki tơdjâk troh hnoăng cheăng pôk kăn Kuô̆k hô̆i ƀă kăn Hô̆i đong hnê ngăn kuăn pơlê.