VOV4.Xơ Đăng - Pơtối tơdroăng roh hôp má 15, kơxo lơ 14/9, môi tơdroăng xiâm ki kal châ mơngế tâ phĭu ƀă kuăn pơlê rơhêng vâ ‘nâi plĕng, mê cho Viƀan pơkuâ Kuô̆k hô̆i tơpui ‘na tơdroăng tơkêa bro tơbleăng tơdroăng séa ngăn tơdroăng cheăng ‘’Tơdroăng pêi pro troăng hơlâ, luât ‘na pêi pro kơdĭng, hbrâ mơdât mơ’nhê tê kơtê hneăng hơnăm 2016 – 2021’’. Kố cho 1 tung 2 tơdroăng pêi cheăng séa ngăn râ kăn xiâm dêi Kuô̆k hô̆i tung hơnăm 2022.

Viƀan pơkuâ Kuô̆k hô̆i hôp séa ngăn tơdroăng pêi pro kơdĭng, hbrâ mơdât mơ’nhê tơmeăm tê kơtê

Tơbleăng khu râ kăn séa ngăn tối, pakĭng mâu tơdroăng châ tơƀrê mê tơdroăng mơjiâng tơdroăng mơ’no hrê rêm hơnăm liăn ngân tơnêi têa tá hâi tơtro ƀă tơdroăng ki khât. Tơdroăng tơlo liăn cheăng, kơdroh mơ’no liăn hneănghơnăm 2016 – 2020 cho hrá; kơxô̆ liăntơnêi têa mơ’no a mâu khu têmơdrótơnêi têa tá hâi châtơniăn. Tơdroăng pơkuâ, xúa tơnêi, tơmeăm khoăng tơnêi têa a mâu khu xiâm, kơvâ cheăng, kong pơlê ôh tá tro pơkâ; xuân ối ai tơdroăng xúa ôh tá tro pơkâ xiâm, lôi mơ’nhê tê kơtê.

Ki dâi lĕm, pơkâ pêi xúa tơnêi ối iâ, pơkâ pêi tá lĭng pêi, tơdroăng tơkêa bro tá hâi pêi ối hên; kơxô̆, ƀăng tơnêi tá hâi xúa, lôi mơ’nhê tê kơtê, tơnêi lôi chúa ton hâi lơ xúa ôh tá tro pơkâ pêi xuân u ối a mâu kong pơlê.

A Sa Ly tơplôu ƀă tơbleăng