VOV4.Xơ Đăng - Rôh tâ phĭu pôk mâu ngế cheăng ki nếo dêi Hô̆i đong hnoăng pơkuâ Khu lâp kong têa hneăng hơnăm 2023 – 2025 tung mê ai Việt Nam cho môi tơnêi têa ki chêh inâi hai lơ 11/10 hiăng po a Hneăng hôp kân Khu lâp kong têa hneăng 77 a New York. 14 to kong têa nếo tung tâi tâng 17 to kong têa hoăng châ pôk mot tung Hô̆i đong hnoăng pơkuâ Khu lâp kong têa, teăng mâ ăm 5 khu kong têa mê cho: Châu Phi, châu Á-Thái Bình Dương, Đông Âu, châu Mỹ Latinh ƀă Caribe, Tây Âu ƀă mâu kong têa ki ê.Khu châu Á- Thái Bình Dương châ ngăn cho ai tơdroăng ki tơbriât kân khât drêng ai troh 6 kong têa tung pơla bu ai 4 to tíu ƀă 145 tung tâi tâng kơxô̆ 189 phĭu pôk vâ, Việt Nam hiăng ai rôh ki má péa châ mot tung kơ koan kố.

Hneăng hôp Khu lâp kong têa tâ phĭu pôk mâu ngế ki nếo dêi Hô̆i đong hnoăng pơkuâ hneăng hơnăm 2013 – 2025

Kố cho rôh má 2 Việt Nam châ mot tung kơ koan kố klêi kơ’nâi hdrối kố nah hiăng rak tơniăn tơƀrê hnoăng cheăng ngế ki tơrŭm cheăng tung Hô̆i đong hnoăng pơkuâ Khu lâp kong têa hneăng hơnăm 2014 - 2016.

VOV Tây Nguyên/Tơplôu: Katarina Nga