Troăng tơrŭm cheăng ai tơdroăng ki veăng dêi Chi đô̆i Pơkuâ Tơkăng kong Thổ Nhĩ Kỳ, Tíu séa ngăn Tíu gâk tơkăng kong Mot lo ngi kong têa ê Mường Khang (Sinuâ); Khu pơkuâ Mô đô̆i gâk tơkăng kong kong pơlê Điện Biên (Việt Nam) ƀă Kŏng an kong pơlê Phông Sa Lỳ (Lếo).

Tiô tơdroăng xiâm môi tuăn, rêm pâ môi tuăn cheăng tung pơkâ tơdâng tơ’mô ‘na hnoăng pơkuâ, nhuô̆m hnoăng tơpui tơno dêi pó, tơrŭm păng ‘nâng, châ tơƀrê ƀă tŏng gum dêi pó.

Mâu tơdroăng ki xiâm tơkŭm po hôp tơpui tơno tiah hmâ 2 hơnăm môi xôh tiô troăng teăng dêi pó po; thăm pơkuâ tơrŭm a mâu kơpong ki xiâm; pêi pro mâu troăng tơniăn gâk kring tung mâu roh leh, Têt ƀă tơdroăng kal xiâm dêi rêm kong têa.

Teăng mâ rêm pâ mơnhên, tơdroăng mơjiâng troăng pêi tơrŭm roh kố mơnhên troăng prôk mơnhông mơdêk nếo tung tơrŭm pơla khu cheăng pái tơnêi têa Việt Nam – Sinuâ – Lếo, gum mơjiâng kơpong tơkăng kong hơniâp lĕm, nhŏng o, tơrŭm ƀă mơnhông mơdêk krá tơniăn.