VOV4.Xơ Đăng - Hâi lơ 3/10, Khu xiâm ngăn pơkeăng Pơlât pơlê kong kân Hồ Chí Minh tối klêi khăm ngăn ing gen tối ai môi ngế kơdrâi hiăng tro pơreăng lo kơtuâ ‘mêi to. Kố cho ngế ki apoăng lo kơtuâ ‘mêi to châ ‘nâi a Việt Nam. Tiô Khu xiâm ngăn pơkeăng pơlât tối, kố cho ngế kơdrâi 35 hơnăm, ối a Pơlê kong kân Hồ Chí Minh; pơxiâm tâ pơreăng mê a hâi lơ 18/9/2022 drêng dế ôm hyô a Dubai (ing khế 7/2022- lơ 22/9/2022 vêh a Việt Nam) Tung châ tâ tơngê hlối rơlâi rơlo, lo xâh xoâ hngíu, châi tung hơ’nêh, châi o ƀă hlối kơ-o, hlo lo mâu tíu khê khêi, thĕn a pâng kŏng, tung châ ƀă a ngiâ.

Drêng troh a Việt Nam a hâi lơ 23/9/2022, ngế ki mê hiăng mot khăm a hngêi pơkeăng Từ Dũ ƀă nhôm tro tâ pơreăng tâ tú, châ ăm pơlât a hngêi pơkeăng  Da Liễu a Pơlê kong kân Hồ Chí Minh. Amê, khăm ngăn hlối ăm ối krê, xo ngăn mơheăm, troh hâi lơ 25/9/2022, hiăng ăm ‘nâi ngế ki mê yương tĭnh ƀă pơreăng lo kơtuâ ‘mêi to. Nôkố, ngế ki mê ivá ối mo dâi, ôh tá tơngê, dế châ pơlât klâ krê, pơlât a hngêi pơkeăng Nhiệt đới Pơlê kong kân Hồ Chí Minh.

VOV Tây Nguyên/Tơplôu: Gương