VOV4.Xơ Đăng - Mâu rôh hôp dêi Vi ƀan xing xoăng tơdroăng cheăng Tơdjêp ASEAN (ACCC) ƀă hneăng hôp tơdjêp ASEAN roh má 13 po a Phnom Penh, kong têa Kul sap hâi lơ 1troh lơ 4/10. Kăn teăng mâ Nguyễn Hải Bằng, Ngế pơkuâ khu kăn Việt Nam a ASEAN pơkuâ khu kăn Việt Nam veăng hôp. A rôh hôp Vi ƀan xing xoăng tơdroăng cheăng Tơdjêp ASEAN rôh má 13 a khế 3/2022, mâu kong têa khĕn kơdeăn khât ki mơ-eăm tung tơdroăng tối tơbleăng mơgêi tơdroăng tơdjêp ASEAN 2025.

Hneăng hôp tơdjêpASEAN rôh má 13  a Phnom Penh, Kul

Mâu kong têa tơrŭm cheăng tối vâ pơtối veăng kum ASEAN tơbleăng pêi mâu tơdroăng tơkêa bro tung mâu tơdroăng pơkâ, vâ mơdêk rơtế tơrŭm mơjiâng khu kuăn pơlê ASEAN, ƀă tơrŭm krá pơla ASEAN ƀă mâu kong têa cheăng ƀă, kơjo kum ‘mâi mơnhông cheăng kâ tung kơpong. Hneăng hôp tơpui Tơdjêp ASEAN rôh má 13 hơnăm kố ai pơxá: “Mơdêk Tơdjêp tiô troăng pêi pro mâu ngăn vâ pêi dêi Kuăn pơlê ASEAN hơnăm 2025 krá tơniăn, tŭm tơdroăng ƀă tơƀrê”.

Tung 3 rôh hôp tơpui tơno, mâu kăn tối ‘na tơdroăng, ki hlê plĕng ƀă túa cheăng dêi kơvâ cheăng ‘na mâ ngăn vâ pêi tơdroăng tơdjêp ASEAN troh hơnăm 2025; mơjiâng tơmeăm khoăng ƀă mơdêk kơxô̆ krá tơniăn ki  tơdjêp tơtơrŭm cheăng.

VOVTây Nguyên/Tơplôu: Gương