VOV4.Xơ Đăng - Kơxo lơ 26/7, a Tíu pêi cheăng dêi Kăn xiâm hnê ngăn tơnêi têa, jâ Võ Thị Ánh Xuân, Kăn xiâm phŏ hnê ngăn tơnêi têa tơdah khu mâu ngế ai hnoăng tơnêi têa dêi kong pơlê Bình Định drêng khu kố troh lăm ngăn pơlê kong xiâm Hà Nội ƀă hlối mot a hngêi ‘măn poăng Pôa. Kong pơlê Bình Định nôkố ai 180 rơpâu ngế ai hnoăng tơnêi têa, tung mê, ai 32 rơpâu ngế kuăn hlâ ai hnoăng, lối 26 rơpâu ngế lêng tro rong râ. Kong pơlê Bình Định nôkố dế tŏng kum mơhá liăn khế ăm lối 33 rơpâu ngế ai hnoăng ƀă kăch măng, nôu pâ lơ kơdrâi kuăn ki ai ngế hlâ xua tơplâ.

Tơbleăng a rôh tơdah, jâ Võ Thị Ánh Xuân nhoăm pơtroh rơkong kơ-êng, rơkâu tơdroăng ki lĕm ăm mâu ngế ai hnoăng ƀă kăch măng dêi kong pơlê Bình Định; pâ thế kong pơlê Bình Định khĕn kơdeăn mâu ngế ai hnoăng ƀă séa ngăn tơdroăng cheăng ‘na tŏng kum mâu ngế ai hnoăng tơnêi têa tung kong pơlê nôkố; mơhnhôk tăng liăn ing khu râ pơlê pơla pa kong tơnêi têa vâ rak ngăn, tơniăn ‘na tŏng kum teăm tơdrêng tơdâng tơ-‘mô ƀă mâu ngế ai hnoăng tơnêi têa.

Gương tơplôu ƀă tơbleăng